Marsa - Land/Plot
AKKWIST TA’ ART Emenda NGĦARRFU b’din illi qed issir referenza għan- Notifikazzjoni tal-Gvern Nru. 574, ippubblikata fil-Gazzetta tal-Gvern Nru. 20,862 tat-18 ta’ Mejju, 2022 f’paġni 8483 sa 8485, relatat ma’ esproprjazzjoni ta’ biċċa art fil-Marsa. Il-plot tal-kejl ta’ madwar 170 metru kwadru u muri delinjat bil-kulur isfar u mmarkat bħala plot nru. ‘1’ fuq il-pjanta L.D. nru. 156G/73 ġie bi żvista ndikat ħażin fuq il-pjanta tar-Reġistru tal-Artijiet annessa ma’ din l-istess dikjarazzjoni u għandu jkun skont il-pjanta bin-nru. 261167M. Din is-site plan qed tiġi ppubblikata f’paġna 1464. Is-6 ta’ Frar, 2025